واش كنتي كتعرف أن ارتفاع ضغط الدم ماشي غير مشكل ديال القلب والشرايين؟
شنو كيوقع للعين ملي كيطلع الضغط الدموي؟
مني كيكون ضغط الدم طالع بزاف، كيزيد الضغط على الشرايين ديال العين، وهادشي كيسبب فـ:
• 
نزيف داخل العين
• 
تشوش فالرؤية
• 
انسداد و نزيف في الأوعيه الدمويه ديال الشبكية
• 
اعتلال الشبكية الناتج عن ارتفاع الضغط (RETINOPATHIE HYPERTENSIVE )
• 
في الحالات الخطيرة: فقدان كلي أو جزئي للنظر 
العلامات اللي خاصك ترد البال ليها:
• رؤية ضبابية أو مشوشة
• نقاط سوداء أو خطوط كتحرك فالمجال البصري
• صداع مستمر، خصوصا مع مشاكل فالعين
• ألم أو ضغط داخل العين
إلا حسيت بهاد الأعراض، راك ماشي غير عيّان، خاصك تمشي تشوف الطبيب!
علاش مهم تزور طبيب العيون حتى إلى ماحسيتي بوالو؟
حيت ارتفاع ضغط الدم كيسمّى المرض الصامت، وكثير من الناس كيكون عندهم وماعارفينش، والعين من أولى الأعضاء اللي كتأثر به!
•
زيارة دورية لطبيب العيون كتخليك تكتاشف المشكل بكري
• 
الطبيب كيقدر يشوف العلامات ديال الضغط المرتفع فالشبكية، حتى قبل ما تحس بشي عرض
• 
الوقاية خير من العلاج: علاج بكري كيعني إنقاذ البصر .
نصيحة من القلب: ما تبقاش تسنى حتى تولي ما كتشوف مزيان باش تمشي عند الطبيب، دير الفحص ديالك كل عام، خصوصا إلى كنت فوق 40 عام، أو عندك تاريخ عائلي مع الضغط المرتفع.